डिजिटल अर्काईव्ह (2008 - 2022)

आम्हा दोघींच्या मैत्रीला

वर्षे झाली फार फार;

म्हणती, मी मोठी झाले

लहानच राही खार

माझी खार, माझी खार

झूला फांदीचा करते

मागे-पुढे, वर-खाली

झोके घेते, झोके घेते.

माझी खार, माझी खार

पत्ते पानांचे करते;

मैत्रिणींना जमवून

झब्बू-चॅलेंज खेळते

माझी खार, माझी खार

फ्रूट-सॅलड करते;

चिमण्यांना-साळुक्यांना

खाऊ प्रेमाने घालते

माझी खार, माझी खार

हार फुलांचा करते;

राम मंदिरी जाऊन

हार रामाला घालते.

माझी खार, माझी खार

कधी शर्यती जिंकते;

पाना-फुलांचा मुगुट

माथ्यावर मिरवते

माझी खार, माझी खार

लपss लपss पाणी पिते

कधी फुर्रर्रss करून

चिळकांडी उडवते

 

माझी खार, माझी खार

फळे-फळे-फळे खाते;

आणि बिया कावळ्यांना

नेम धरून मारते.

माझ्या खारीला आपल्या

शेपटीचा आहे गर्व;

शेपटीच्या विभ्रमांनी

खार सांगे सर्वसर्व

माझी खार, माझी खार

घरी येते, बागडते;

पंख्यावरती बसून

गाणे गाते, गाणे गाते

माझी खार, माझी खार

तेव्हा खुद्दुक हासते;

जेव्हा फेकते मी दाणे

अन् ती अचूक झेलते

खार माझी नी मी तिची

अशी गूळ-तूप गट्टी;

माझ्या खारीत-माझ्यात

कधी होत नाही कट्टी

माझी खार, माझी खार

अशी गुणाची गुणाची;

सर्वांनाच ठाऊकाहे

खार मैत्रीण कुणाची

आम्हा दोघींच्या मैत्रीला

वर्षे झाली फार फार;

म्हणती, मी मोठी झाले

लहानच राही खार

Tags: अनंत भावे माटुंगा मुंबई पंखा मैत्रीण कावळे मंदिर राम साळुंकी चिमणी फांदी खार Anant Bhave Matunga Mumbai Fan Friends Crow Temple Ram Mina Bird Sparrow branch Limb #Squirrel weeklysadhana Sadhanasaptahik Sadhana विकलीसाधना साधना साधनासाप्ताहिक




साधना साप्ताहिकाचे वर्गणीदार व्हा...
वरील QR कोड स्कॅन अथवा UPI आयडीचा वापर करून आपण वर्गणीदार होऊ शकता. वार्षिक, द्वैवार्षिक व त्रैवार्षिक वर्गणी अनुक्रमे 900, 1800, 2700 रुपये आहे. वर्गणीची रक्कम ट्रान्सफर केल्यानंतर आपले नाव, पत्ता, फ़ोन नंबर, इमेल इत्यादी तपशील
020-24451724,7028257757 या क्रमांकावर फोन, SMS किंवा Whatsapp करून कळवणे आवश्यक आहे.
weeklysadhana@gmail.com

प्रतिक्रिया द्या


लोकप्रिय लेख 2008-2022

सर्व पहा

लोकप्रिय लेख 1978-2007

सर्व पहा

जाहिरात

साधना प्रकाशनाची पुस्तके