लालजींची मूर्ती सारखी डोळ्यांसमोर उभी रहाते. कै. सुमतीबाईंच्या निधनापूर्वी काही दिवस त्या के. इ. एम. मधे होत्या. श्री नानासाहेब तेव्हा पटण्याला होते. दवाखान्यात मी धावपळ करत होते. श्री व सौ. लालजींची त्या वेळी मला फार मदत झाली. फार मोठा आधार दिला. सुमतीबाईंच्या शेवटच्या क्षणी त्यांना सर्व डॉक्टरांच्या हवाली करून भांबावलेली ही राधा 4-5 ठिकाणी कधी तरी फोन लावून सर्व रस्त्याने लालजींकडे धूम पळत होती. कारण तेच सर्वात जवळचे वाटत होते, आधार वाटत होते.

Tags: weeklysadhana Sadhanasaptahik Sadhana विकलीसाधना साधना साधनासाप्ताहिक